Íslendingafélagið Ísfán heldur 17 júní hátíð Sunnudaginn 17 júní 2012 frá klukkan 12-17.
Íslenskar pylsur í boði, sjoppan verður opin – hoppukastali og leikir fyrir börnin ef að veður leyfir.
Sjáumst hress í Grænlendingahúsinu:
Det Grønlandske Hus i Aarhus
Dalgas Avenue 52, 8000 Aarhus, Denmark
Frá og með þriðjudeginum 15. maí 2012 og til og með fimmtudeginum 28. júní 2012 er mögulegt að kjósa, með bréfaatkvæðum, hjá Íslenska ræðismanninum í Árósum – Lille Torv 6, 8000 Aarhus C. (rétt hjá Magasin og Dómkirkjunni í Árósum).
ATHUGIÐ að frambjóðendur hafa þar til fimm vikum fyrir kosningardaginn til að gefa kost á sér og því mun endanlegt yfirlit yfir forsetaframbjóðendur fyrst liggja fyrir, mánudaginn 4. júní 2012. Upplýsingar um forsetaframbjóðendur er hægt að finna á www.kosning.is
Til að tryggja að bréfaatkvæðin nái til Íslands fyrir sjálfan kosningadaginn, þarf kosning að hafa átt sér stað ekki seinna en fimmtudaginn 28. júní.
Hægt er að kjósa á opnunartíma skrifstofu ræðismanns – virka daga milli kl. 9:00 og 16:00.
Fyrir þá kjósendur sem ekki hafa möguleika á að kjósa á venjulegum opnunartíma, mun ræðismaður hafa EXTRA OPNUN fimmtudaginn 28. júní 2012, frá kl. 16:00 til kl. 20:00.
Allir kjósendur sem óska þess að taka þátt í bréfakosningunum, þurfa að mæta í eigin persónu á skrifstofu ræðismanns og:
——-
PRÆSIDENTVALG i ISLAND – AFGIVELSE AF BREVSTEMMER I AARHUS:
Der kan fra tirsdag den 15. maj 2012 og frem til torsdag den 28. juni 2012 kan der afgives STEMME PR. BREV på Det Islandske Konsulat i Aarhus – Lille Torv 6, 8000 Aarhus C. (nær MAGASIN og AARHUS DOMKIRKE).
BEMÆRK at kandidatlister kan indleveres indtil fem uger før valgdagen hvorfor endelig oversigt over præsidentkandidater først vil foreligge mandag den 4. juni 2012. Oplysninger om præsidentkandidater findes på www.kosning.is
For at være sikker på at Brevstemmerne når frem til Island på valgdagen, bør afgivelse af brevstemme ikke ske senere end torsdag den 28. juni.
Afgivelse af Brevstemme kan ske i konsulatets åbningstid – bedst på hverdage mellem kl. 9.00 og 16.00.
For de vælgere der ikke har mulighed for at afgive stemme indenfor dette tidsrum, holder Konsulatet EKSTRAORDINÆRT ÅBENT
Torsdag den 28. juni 2012 –fra kl. 16.00 til kl. 20.00.
Alle vælgere der ønsker at afgive deres stemme pr. brev, skal personligt møde op på konsulatet og
(1) Medbringe Islandske legitimationspapirer (med billede), herunder Islandsk cpr.nr.
(2) Medbringe dkr. 15 til dækning af forsendelsesomkostninger
Sýnt í Norðurbryggju, Kaupmannahöfn sunnudaginn 4. mars kl. 15.00.
Saga um strák sem ferðast gegnum skuggalega skóga, um dimmar drekaslóðir, alla leið
út á heimsenda og lærir í leiðinni að elska litlu systur sína.
Miðaverð 50 kr. (ókeypis fyrir börn yngri en 2 ára)
Sala: bryggen@bryggen.dk og í síma 3283 3700.
Nýtt íslenskt leikverk, ætlað börnum 4 ára og eldri
SKRÍMSLIÐ LITLA SYSTIR MÍN segir frá strák sem hefur nýlega eignast litla systur.
Hann kemst reyndar fljótlega að því að hún er ekkert venjulegt barn heldur skrímsli
sem ætlar að éta mömmu hans upp til agna og kannski bara allan heiminn. Til að
bjarga mömmu sinni og öllum heiminum frá litla skrímslinu, þarf hann að ferðast
gegnum skuggalega skóga, um dimmar drekaslóðir, alla leið austur fyrir solina og
vestur fyrir manann og í leiðinni lærir hann að elska litlu systur sína.
Skrímslið litla systir mín er leikhúsupplifun fyrir börn í hæsta gæðaflokki þar sem
börnin taka þátt og upplifa í miklu návígi töfra leikhúss, tónlistar og myndlistar.
Hugmyndin að sýningunni byggir á sögu sem sonur Helgu sagði henni þegar litla systir
hans var nýfædd. Leikkonan býður börnunum inní hvítan pappírsheim. Pappírinn lifnar
smám saman við og verður að persónum sögunnar. Leikkonan notar pappír, tónlist og
ljós til að segja þeim sögu. Sögu um það hvernig maður getur lært að elska – jafnvel
skrímsli.
SKRÍMSLIÐ LITLA SYSTIR MÍN var frumsýnd í Norræna húsinu í Reykjavík 4. febrúar 2012.
Sýningin tekur um 35 mínútur í flutningi og vinnustofan, eftir sýninguna, verður um 45 mínútur. Sýningin sem ferðast nú til Danmerkur veriður einnig sýnd í Færeyjum og Álandseyjum næsta haust.
Vinnustofa:
Öll leiksýningin er túlkuð með pappír. Eftir sýninguna fá börnin tækifæri til að skapa úr pappírnum sem notaður var í sýningunni undir handleiðslu Helgu og Evu Signýjar sem báðar eru myndlistamenn. Þar verður m.a. hægt að búa til úr pappírnum litla skrímslið sem býr inní okkur öllum.
Listrænir stjórnendur:
HELGA ARNALDS, höfundur, leikmyndahönnuður og flytjandi.
CHARLOTTE BØVING, leikstjóri.
EIVØR PÁLSDÓTTIR, höfundur og flytjandi tónlistar.
PÁLL GUÐMUNDSSON hljóðfærasmiður.
EVA SIGNÝ BERGER búningahönnuður.
JÓHANN BJARNI PÁLMASON ljósahönnuður.
HALLVEIG THORLACIUS ljóðahöfundur.
ÚLFUR ELÍASSON höfundur grunnhugmyndar.
ÍSFÁN þakkar eftirtöldum aðilum stuðninginn vegna þorrablóts ÍSFÁN 2012, sem haldið var þann 4. febrúar síðastliðinn!
Nú er sko heldur betur farið að styttast í veislu ársins í Árósum sem verður haldin laugardaginn 4. febrúar!
Undirbúningur hefur gengið vel og á hafi úti eru nú hundruð kílóa af íslenskum mat á leið til Árósa! Miðasölu er nú að ljúka í mat og ball en þeir allra síðustu geta mögulega reddað sér miðum með því að hafa samband í síma 52 22 81 19 eða 29 86 07 00… Núna…
Hægt að fá miða á ballið fram að blóti og líka í hurðinni á staðnum…
En þá er nú kominn tími til að huga að praktískum hlutum varðandi þorrablótið.
Hér eru nokkrir þeirra.
Undirbúningur fyrir blót:
Þorrablótsdagurinn sjálfur, fyrir blótið:
Á þorrablótinu:
Þorrablót eftir ball:
Við hlökkum til að sjá þig og erum viss um að þetta verður algjört æði, skemmtileg og frábær veisla!
Eru einhverjar upplýsingar sem þér finnst vanta? Sendu okkur þá línu á isfan@isfan.dk og við komum þeim á framfæri á heimasíðu Ísfán og á facebook.
Sjáumst hress og kát!!
Nefndin…
Hið árlega og sívinsæla jólaball Ísfán verður haldið með pompi og prakt þann 26. desember 2011 á milli klukkan 14 og 16.
Fyrirkomulagið er sem fyrri ár þannig að allir eiga að koma með eitthvað girnilegt á hlaðborðið sem verður glæsilegra með hverju árinu. Það jafnast ekkert á við íslenskt hátíðarhlaðborð!
Það verður hlustað á íslenska jólatónlist, hægt verður að versla íslenskt sælgæti og auðvitað appelsín og malt og þegar allir eru orðnir úttroðnir af
marengstertum, smákökum og heitum brauðréttum þá gæti vel farið svo að
jólasveinninn kíkti í heimsókn og drægi lítil sem og fullorðin börn út á
gólf til að syngja og dansa í kringum jólatréð. Börnin fá svo að sjálfsögðu
glaðning fá sveinka!
Við ætlum að prufa eitt nýtt þetta árið. Sjá hvernig það reynist… Okkur
langar mikið til að skreyta jólatréð einungis með ljósaseríum en biðja svo
ykkur, gesti jólaballsins, um að mæta hver og einn með eitt skraut á tréð,
helst heimagert og leyfa börnunum að hengja það á tréð þegar þau mæta.
Saman ætlum við því að skreyta tréð okkar og leyfa krökkunum að sjá tréð
breytast og skreytast og vera orðið þeirra tré þegar sveinki mætir og
sönglar með okkur hringinn í kringum það Við vonum að þið takið vel í
þetta og hlökkum til að sjá skreytta Ísfán tréð í lok dags.
Þetta er skemmtilegasti barnaviðburður ársins! Ef þið eruð ekki á klakanum
yfir jólin, komið þá endilega og fáið með okkur smá íslenska jólastemmningu
beint í æð.
Ein ábending að lokum… opnunartími verslana í Árósum er að skána (eða
versna…) en er þó ekki nálægt því orðinn jafn geggjaður og á Íslandi þar
sem alltaf er opið allan sólarhringinn… það er því skynsamlegt að versla
inn og undirbúa hvað þú ætlar að koma með á hlaðborðið á meðan verslanir eru
opnar og eitthvað fæst í þeim
Við hlökkum til að sjá ykkur og óskum ykkur gleði og friðar fram að því.
Stjórnin, í þessu líka fína jólaskapi
Skráðu þig á jólaballið á facebook!
Við munum vera með miðasölu á Waxies, Frederiksgade 16 8000 Aarhus C eftirfarandi föstudaga í janúar:
13. janúar kl:15:00-17:00
20. janúar kl:15:00-17:00
27. janúar kl:15:00-19:00
..ef fólk vil borga eða sækja miðana sína.
Ekki láta þig vanta á Þorrablót ÍSFÁN 2012!
Það er ennþá verið að bóka miða á þorrablótið hjá okkur og ennþá til einhverjir miðar þannig við hvetjum alla sem ætla að koma og skemmta sér með okkur og Ingó og Veðurguðunum, sem eru með hressari hljómsveitum landsins.
Þeir ætla sér að taka öll gömlu góðu sveitaballalögin fyrir mig og þig langt fram á nótt. Ingó og Veðurguðirnir voru á þorrablótinu í Horsens fyrir tveimur árum
og var gríðarleg stemning á því blóti.
Veislustjóri kvöldsins verður enginn annar en Steindi Jr. en hann er
sannkallað gull af manni!
Steindi Jr. er einn ferskasti skemmtikrafturinn á Íslandi í dag og er búin að vera með bráðfyndna þáttaröð á Stöð 2 undanfarin 2 ár. Hér er hægt að sjá mörg skemmtileg brot úr þáttunum hans. Honum til halds og trausts á þorrablótinu verður Bent, annar höfundanna og leikstjóri þáttanna Steindinn okkar. Smelltu hér og pantaðu miða!
Hlökkum til að sjá ykkur 4. febrúar.
Þorrablótsnefnd.