Skrímslið litla systir mín – leikverk

Sýnt í Norðurbryggju, Kaupmannahöfn sunnudaginn 4. mars kl. 15.00.

Saga um strák sem ferðast gegnum skuggalega skóga, um dimmar drekaslóðir, alla leið
út á heimsenda og lærir í leiðinni að elska litlu systur sína.

Miðaverð 50 kr. (ókeypis fyrir börn yngri en 2 ára)
Sala: bryggen@bryggen.dk og í síma 3283 3700.

Nýtt íslenskt leikverk, ætlað börnum 4 ára og eldri
SKRÍMSLIÐ LITLA SYSTIR MÍN segir frá strák sem hefur nýlega eignast litla systur.
Hann kemst reyndar fljótlega að því að hún er ekkert venjulegt barn heldur skrímsli
sem ætlar að éta mömmu hans upp til agna  og kannski bara allan heiminn. Til að
bjarga mömmu sinni og öllum heiminum frá litla skrímslinu, þarf hann að ferðast
gegnum skuggalega skóga, um dimmar drekaslóðir, alla leið austur fyrir solina og
vestur fyrir manann  og í leiðinni lærir hann að elska litlu systur sína.

Skrímslið litla systir mín er leikhúsupplifun fyrir börn í hæsta gæðaflokki þar sem
börnin taka þátt og upplifa í miklu návígi töfra leikhúss, tónlistar og myndlistar.
Hugmyndin að sýningunni byggir á sögu sem sonur Helgu sagði henni þegar litla systir
hans var nýfædd. Leikkonan býður börnunum inní hvítan pappírsheim. Pappírinn lifnar
smám saman við og verður að persónum sögunnar. Leikkonan notar pappír, tónlist og
ljós til að segja þeim sögu. Sögu um það hvernig maður getur lært að elska – jafnvel
skrímsli.

SKRÍMSLIÐ LITLA SYSTIR MÍN var frumsýnd í Norræna húsinu í Reykjavík 4. febrúar 2012.

Sýningin tekur um 35 mínútur í flutningi og vinnustofan, eftir sýninguna, verður um 45 mínútur.  Sýningin sem ferðast nú til Danmerkur veriður einnig sýnd í Færeyjum og Álandseyjum næsta haust.

Vinnustofa:
Öll leiksýningin  er túlkuð með pappír.  Eftir sýninguna fá börnin tækifæri til að skapa úr pappírnum sem notaður var í sýningunni undir handleiðslu Helgu og Evu Signýjar sem báðar eru myndlistamenn.  Þar verður m.a. hægt að búa til úr pappírnum litla skrímslið sem býr inní okkur öllum.

Listrænir stjórnendur:
HELGA ARNALDS, höfundur, leikmyndahönnuður og flytjandi.
CHARLOTTE BØVING, leikstjóri.
EIVØR PÁLSDÓTTIR, höfundur og flytjandi tónlistar.
PÁLL GUÐMUNDSSON hljóðfærasmiður.
EVA SIGNÝ BERGER búningahönnuður.
JÓHANN BJARNI PÁLMASON ljósahönnuður.
HALLVEIG THORLACIUS ljóðahöfundur.
ÚLFUR ELÍASSON höfundur grunnhugmyndar.

Já sæll hvað þú ert algjört ÆÐI!!!

Nú er sko heldur betur farið að styttast í veislu ársins í Árósum sem verður haldin laugardaginn 4. febrúar!

Undirbúningur hefur gengið vel og á hafi úti eru nú hundruð kílóa af íslenskum mat á leið til Árósa! Miðasölu er nú að ljúka í mat og ball en þeir allra síðustu geta mögulega reddað sér miðum með því að hafa samband í síma 52 22 81 19 eða 29 86 07 00… Núna…

Hægt að fá miða á ballið fram að blóti og líka í hurðinni á staðnum…

En þá er nú kominn tími til að huga að praktískum hlutum varðandi þorrablótið.
Hér eru nokkrir þeirra.

Undirbúningur fyrir blót:

  • Ganga frá greiðslu á miðanum med det samme… Hægt er að millifæra inná reikninginn okkar : Danske Bank reg. 1551 reikn. 16785741
    Setjið nafn og símanúmer í skýringu.
  • Panta tíma fyrir hár, vax, neglur, make up, skegg eða hvað það nú er sem þú vilt láta snyrta eða laga fyrir blótið 🙂
  • Velja föt og setja í hreinsun / þvott / kaupa í uppáhalds búðinni…
  • Pússa skó, láta laga hælinn eða splæsa í nýja?
  • Kaupa sokkabuxur?… jafnvel einar auka til að hafa í veskinu…

Þorrablótsdagurinn sjálfur, fyrir blótið:

  • Hlaða myndavélina og símann…
  • Taka sig til, sparifötin og uppáhalds lyktin! Horfa í spegilinn og segja… ég er æði!!!
  • Fá sér fordrykk í góðum félagsskap áður en lagt er af stað… ef vill… en skilja aðra drykki eftir heima. Það er ekki er leyfilegt að hafa með sér áfengi í veisluna.
  • Taka með sér upplýsingar fyrir bílstjórann um staðsetningu:
    Palads Selskabslokaler Søren Frichs Vej 51 – 53sjá kort
  • Þeir sem ekki hafa pantað borð með því að senda póst á bord@isfan.dk þurfa að mæta tímanlega til að finna sæti. Húsið opnar fyrir matargesti kl. 18:30.
  • Koma við í hraðbanka og taka út pening, það eru ekki posar í húsinu.
  • Kaupa sígó? Vindil? Ekkert tóbak verður selt á svæðinu.
  • Ætlarðu með strætó eða lest í veisluna? Strætó nr. 12 og 5A.

Á þorrablótinu:

  • Selt verður gos og áfengi á hagstæðu verði, ath aftur… ekki tekið við kortum.
  • Aðgöngumiðinn í mat og ball gildir sem happadrættisnúmer í happadrættið. Fleiri vinningar verða þó í boði en hægt verður að kaupa happadrættismiða á staðnum til að vera með í útdrætti um þá vinninga.
  • Opnað fyrir ballgesti kl. 22.
  • Ballið búið kl. 03

Þorrablót eftir ball:

  • Alkaseltzer? Kaktus?
  • Kók í ísskápnum?
  • Hamborgari á línunni?
  • Senda myndir á isfan@isfan.dk… ef þær eru þess eðlis að þær mega sjást 😉

Við hlökkum til að sjá þig og erum viss um að þetta verður algjört æði, skemmtileg og frábær veisla!

Eru einhverjar upplýsingar sem þér finnst vanta? Sendu okkur þá línu á isfan@isfan.dk og við komum þeim á framfæri á heimasíðu Ísfán og á facebook.

Sjáumst hress og kát!!
Nefndin…