Íslenskir prjónadagar á Norðurbryggju í Kaupmannahöfn

Helgina 20.- 21. september gefst gestum kostur á að læra um íslenskar prjónahefðir, munstur, ull og að sjálfsögðu íslensku lopapeysuna í menningarhúsi Íslendinga í Kaupmannahöfn, Norðurbryggju. Dagskráin er frá 12-17 báða daga.

Halla Benediktsdóttir hefur staðið fyrir samsetningu dagskrárinnar, en boðið verður upp á ýmsa fyrirlestra og vinnustofur, þar sem íslenskir hönnuðir og prjónaáhugafólk kynnir verkefni sín.

Báða dagana gefst því tækifæri á að læra um íslenskar prjónahefðir og menningu, t.a.m. um lopann, litun á lopa, sem og að hanna sitt eigið munstur fyrir íslensku lopapeysuna. Einnig verður boðið upp á svokallað prjónarölt þar sem að sagt verður frá 250 ára sögu pakkhússins sem hýsir menningarhúsið, á meðan gestir rölta með prjónadótið milli handanna.

Fyrirlestrar

  • Norrænar prjónahefðir – Fæeyjar vs. Ísland
  • Prjónaferðamennska á Íslandi
  • Prjónamunstur – hraðnámskeið
  • Íslensk ull á rokkinum 2014
  • Litun á ull með náttúrulitum

Vinnustofur

  • Lærðu að splæsa saman endum
  • Lærðu að setja rennilás í prjónaða peysu. Taktu með peysu og fáðu aðstoð

Einnig verður möguleiki á að kaupa garn, prjónapakka/kit og uppskriftir frá ýmsum hönnuðum.
OBS: Þeir fyrstu fá gjafapoka frá Ístex með garni og uppskrift!

Skoðið myndir af verkefnum þátttakenda www.facebook.com/NordatlantensBrygge.

Þátttakendur

  • Anna Dröfn – Kví kví – Spinnur eigin ull/ uppskriftir/ prjónapakkar/kit
  • Anna Kristín Helgadóttir – uppskriftir
  • Elín Guðmundsdóttir – tölur úr roði
  • Fru Zippe – verslun með garn frá Íslandi
  • Guðrún Bjarnadóttir – náttúrulitað garn
  • Halla Benediktsdóttir – Prjónanörd og skipulagsaðili hátíðarinnar
  • Hulda Hákonardóttir – Ístex
  • Kristín Brynja Gunnarsdóttir – garn, ull og silki
  • Margrét Halldórsdóttir – prjónapakkar/kit
  • Ragnheiður Jóhannsdóttir – prjónaferðamennska á Íslandi
  • Rósa Hlín Sigfúsdóttir – heklpakkar/kit
  • Sigrún Elíasdóttir – heimaspunnið garn úr ull og kanínuhárum
  • Sverrir Pétursson – hannaðu þína eigin lopapeysu

Aðgangseyrir:
Annar dagurinn: 100 kr
Báðir dagarnir: 150 kr

Hægt er að kaupa miða á politikenbillet.dk/nordatlanten