Author Archives: admin

Mikilvæg skilaboð til Íslendinga erlendis vegna alþingiskosninga 2013:

Posted on by

Frestur til að kæra sig á kjörskrá er 1. desember 2012.
Samfylkingin vill vekja athygli Íslendinga, sem búsettir hafa verið erlendis í lengri tíma, á eftirfarandi:

Vilji íslenskir ríkisborgarar, sem búsettir hafa verið erlendis í 8 ár eða lengur, kjósa í næstu
alþingiskosningum þurfa þeir að að kæra sig inn á kjörskrá – fyrir 1. desember 2012.

,,Íslenskur ríkisborgari sem búsettur er erlendis getur sótt um að verða tekinn á kjörskrá við kosningar til Alþingis, kjör forseta Íslands og þjóðaratkvæðagreiðslur uppfylli hann neðangreind skilyrði:

  • Að hann hafi íslenskan ríkisborgararétt.
  • Sé 18 ára eða eldri þegar kosning fer fram.
  • Hafi einhvern tíma á ævinni átt lögheimili á Íslandi og ekki sé liðinn lengri tími en 8 ár frá því hann fluttist þaðan.
  • Hafi sótt sérstaklega um að verða tekinn á kjörskrá, ef liðinn er lengri tími en 8 ár frá því hann átti lögheimili á Íslandi, talið frá 1. desember næstum fyrir kjördag.

Umsókn er fullnægjandi ef hún er:

  • Undirrituð af umsækjanda sjálfum á eyðublað sem þjóðskrá lætur í té.
  • Staðfest af umsækjanda upp á æru og trú að hann sé enn íslenskur ríkisborgari.
  • Útfyllt með fullu nafni umsækjanda, kennitölu hans, heimilisfangi utan Íslands, síðasta lögheimili á Íslandi og hvenær flutt var frá Íslandi.“ (heimild: skra.is)

Umsókn verður því að hafa borist Þjóðskrá Íslands (ekki sendiráði eða ræðismannsskrifstofu) fyrir 1. desember til þess að umsækjandi geti öðlast kosningarrétt við alþingiskosningar 2013.

Hægt er að skila eyðublaðinu rafrænt með því að auðkenna sig fyrst á www.island.is og þá þarf ekki að undirrita. Eyðublaðið er fyllt út og skjalið vistað í tölvunni, því næst er farið í netskil á vefnum til að skila rafrænt. Ef eyðublaðinu er ekki skilað rafrænt skal það undirritað og sent í bréfpósti til Þjóðskrár Íslands eða sent með faxi.

Umsóknareyðublaðið er hér: 

http://www.skra.is/lisalib/getfile.aspx?itemid=5829

Ef þú þarft á frekari upplýsingum eða aðstoð að halda hafðu samband við okkur í síma 00354-4142200 eða kosningar2013@samfylking.is.

Með kveðju frá Samfylkingunni,
Sigrún Jónsdóttir, framkvæmdastjóri Samfylkingarinnar og Íris Björg Kristjánsdóttir, verkefnisstjóri alþingiskosninga 2013.

Jólaskreytingarkvöld með meiru

Posted on by

Þá er komið að því að við hittumst í Grænlendingahúsinu, eigum saman huggulegt jólakvöld og búum til aðventukrans, krans á hurð, jólaskreytingar eða hvað sem ykkur langar til að gera. Hrafnhildur Þorleifsdóttir blómaskreytingarsnillingur á staðnum til leiðbeiningar og ráðgjafar

Þannig að það er alveg sama þótt að þú hafir aldrei gert þetta áður, því hún er alveg frábær i að kenna okkur og aðstoða. Hún mun einnig taka með sér nokkra kransa til viðmiðunar og sem eru til sölu.

Í ár höfum við ákveðið að breyta aðeins til og bjóða öllum Aarhusar búum (og nágrennis) sem hafa eitthvað handverk til sölu að koma og selja þetta kvöld. Þetta gæti t.d. Verið skartgripir, málverk, prjóna eða hekklu vörur eða jólskraut. Nú er tækifæri að selja og kaupa jólagjafir, afmælisgjafir eða bara vegna þess að þig langar í eitthvað :)

Athuga: Komiði með það skreytingarefni sem þið ætlið að nota. En Hrafnhildur mun líka koma með eitthvað efni sem verður til sölu.

Við munu sjá um að hella upp á kaffi og vera með jólatónlist, selja íslenskt sælgæti.

Staðsetning:
Det Grønlandske hus
Dalgas Avenue 52
8000 Aarhus C

Þriðjudaginn 27. nóvember kl: 20 opnar húsið
Fyrir þá sem vilja selja opnar húsið 19:30.

Hlökkum tilað sjá ykkur bjóðum nú jólastemmninguna velkomna til Aarhus og eigum saman huggulegt kvöld

Auglýsing um aðalfund Ísfáns 2012

Posted on by

Aðalfundur Ísfáns 2012 verður haldinn í Grænlenska húsinu, þriðjudaginn 30. október og hefst kl. 20:00
Det Grønlandske hus
Dalgas Avenue 52
8000 Aarhus C

Aðalfundur er opinn öllum í Aarhus og nágrenni

Á dagskrá aðalfundarins:

  1. Skýrsla stjórnar og umræður um hana
  2. Framlagning ársreikninga til samþykktar og umræður um þá
  3. Kosning formanns.
  4. Kosning annarra stjórnarmanna
  5. Kosning varamanna.
  6. Kosning endurskoðanda
  7. Framlagning rekstrar- og framkvæmdaáætlunar fyrir næsta ár.
  8. Önnur mál

Aarhus 02.Október 2012
F.h. stjórnar Ísfáns
Sunneva María

Forsetakosningar á Íslandi – Bréfakosningar í Árósum

Posted on by

Frá og með þriðjudeginum 15. maí 2012 og til og með fimmtudeginum 28. júní 2012 er mögulegt að kjósa, með bréfaatkvæðum, hjá Íslenska ræðismanninum í Árósum – Lille Torv 6, 8000 Aarhus C. (rétt hjá Magasin og Dómkirkjunni í Árósum).

ATHUGIÐ að frambjóðendur hafa þar til fimm vikum fyrir kosningardaginn til að gefa kost á sér og því mun endanlegt yfirlit yfir forsetaframbjóðendur fyrst liggja fyrir, mánudaginn 4. júní 2012. Upplýsingar um forsetaframbjóðendur er hægt að finna á www.kosning.is

Til að tryggja að bréfaatkvæðin nái til Íslands fyrir sjálfan kosningadaginn, þarf kosning að hafa átt sér stað ekki seinna en fimmtudaginn 28. júní.

Hægt er að kjósa á opnunartíma skrifstofu ræðismanns – virka daga milli kl. 9:00 og 16:00.

Fyrir þá kjósendur sem ekki hafa möguleika á að kjósa á venjulegum opnunartíma, mun ræðismaður hafa EXTRA OPNUN fimmtudaginn 28. júní 2012, frá kl. 16:00 til kl. 20:00.

Allir kjósendur sem óska þess að taka þátt í bréfakosningunum, þurfa að mæta í eigin persónu á skrifstofu ræðismanns og:

  1. Hafa meðferðis íslensk skilríki, með mynd, þar sem íslensk kennitala kemur fram.
  2. Hafa meðferðis dkr. 15 vegna sendingarkostnaðar.

——-

PRÆSIDENTVALG i ISLAND – AFGIVELSE AF BREVSTEMMER I AARHUS:

Der kan fra tirsdag den 15. maj 2012 og frem til torsdag den 28. juni 2012 kan der afgives STEMME PR. BREV på Det Islandske Konsulat i Aarhus – Lille Torv 6, 8000 Aarhus C. (nær MAGASIN og AARHUS DOMKIRKE).

BEMÆRK at kandidatlister kan indleveres indtil fem uger før valgdagen hvorfor endelig oversigt over præsidentkandidater først vil foreligge mandag den 4. juni 2012. Oplysninger om præsidentkandidater findes på www.kosning.is

For at være sikker på at Brevstemmerne når frem til Island på valgdagen, bør afgivelse af brevstemme ikke ske senere end torsdag den 28. juni.

Afgivelse af Brevstemme kan ske i konsulatets åbningstid – bedst på hverdage mellem kl. 9.00 og 16.00.

For de vælgere der ikke har mulighed for at afgive stemme indenfor dette tidsrum, holder Konsulatet EKSTRAORDINÆRT ÅBENT
Torsdag den 28. juni 2012 –fra kl. 16.00 til kl. 20.00.

Alle vælgere der ønsker at afgive deres stemme pr. brev, skal personligt møde op på konsulatet og

(1) Medbringe Islandske legitimationspapirer (med billede), herunder Islandsk cpr.nr.
(2) Medbringe dkr. 15 til dækning af forsendelsesomkostninger